Péké janmen vwè sa rivé
Ni lontan kè nou ka tchenbé
Fow vwè, tousa nou fè sé pou vansé
An vérité, ou pé ké touvé pon dòt koté
Ou jwen mizè toupatou é,
Siw vwè dlo koulé, sé pa dan zyé


(Sé pousa nou tout ka goumé)
Nou pé di kè nou ja goumé
Sé pousa jòdi nou pou méné
Pa janmen pèd lakat si sa nou vlé
Sé konsa pou sa maché


Pou chimen nou ja pasé
Péké janmen touvé
On sèl moun ki pa ka sonjé
Tousa yo fè pou nou sové
Si lantou la bloké,
Sé pa douvan pou pé rantré,
Bandéy ti bwen ankò,
Pou nou pé sa woulé


(Sé pousa nou pa ka douté)
Péké janmen touvé pon fòs
Siw pa chèché koté pou pé touvéy
Mété jounou atè pou pé sa mandé BonDyé
Sé Li TouSèl ki pé Lévéw


E ni sa ki ka mandé pou pati Lòt Koté
Pou soufrans pé dépozé, pou vwè si lavi la méyè
E poutan nou pa tchouyé, nou pa volé
Mi sa nou yé, sèten yo ké savé

O sa sèten yo ké bloké
On chimen san travo, kè razyé pousé
Sé sa yo vlé
Sé sa yo ké mété siw vé pa lévé


(Piti a piti, Limyè ka koulé, nou sé pitit a BonDyé)


Wi nou sé pitit a BonDyé, nou sé pitit a maléré
Nou ja soufè asé pou nou pé rivé, an nou tchenbé lanmen
Nou sé pitit a maléré, wi nou sé pitit a BonDyé
I ja lè pou nou pé poté mannèv, an nou alé


Nou sé pitit a BonDyé
I ka koulé
Sé nou tousèl ki pé kléré nou
Piti a piti, zyé an nou ka vwè
Konsyans an nou ka lévé bonè
Piti a piti, i ka koulé toupatou
Gadé byen ou ké touvé